Surah An Naziat Ayat 28-29-30-31-32-33 Urdu Translation Tafseer

Para 30 - عَمَّ

سورة النازعات

Audio PDF

بِسْمِ اللّٰهِ الرَّحْمٰنِ الرَّحِیْمِ

79.28-29-30-31-32-33

رَفَعَ سَمْكَهَا فَسَوّٰىهَاۙ (28) وَ اَغْطَشَ لَیْلَهَا وَ اَخْرَ جَ ضُحٰىهَا۪ (29) وَ الْاَرْضَ بَعْدَ ذٰلِكَ دَحٰىهَا ﭤ(30) اَخْرَ جَ مِنْهَا مَآءَهَا وَ مَرْعٰىهَا ۪ (31) وَ الْجِبَالَ اَرْسٰىهَاۙ (32) مَتَاعًا لَّكُمْ وَ لِاَنْعَامِكُمْ ﭤ(33)

Kanz ul Iman Kanz ul Irfan

کنزالعرفان

اس کی چھت اونچی کی پھر اسے ٹھیک کیا۔ اور اس کی رات کو تاریک کیا اور اس کے نورکوظاہر کیا ۔ اور اس کے بعد زمین پھیلائی۔ اس میں سے اس کا پانی اور اس کاچارہ نکا لا۔ اور پہاڑوں کو جمایا۔ تمہارے اور تمہارے چوپایوں کے فائدہ کے لئے ۔

تفسیر : ‎صراط الجنان

{رَفَعَ سَمْكَهَا: اس کی چھت اونچی کی۔} اس آیت اور اس کے بعد والی5آیات میں آسمان اور زمین کی تخلیق کی کیفیت بیان کرتے ہوئے ارشاد فرمایا کہ اللّٰہ تعالیٰ نے آسمان کو بنایا اور کسی ستون کے بغیر اس کی چھت اونچی کی ،پھر اسے ایسا ٹھیک کیا کہ اس میں کہیں کوئی خَلَل نہیں اوراس کی رات کو تاریک کیا اور سورج کے نورکوظاہر فرما کر اس کی روشنی چمکائی اور اس کے بعد زمین پھیلائی جو پیدا تو آسمان سے پہلے فرمائی گئی تھی مگر پھیلائی نہ گئی تھی اوراس میں سے چشمے جاری فرما کر اس کا پانی اور اس کاچارہ نکا لا جسے جاندار کھاتے ہیں اور پہاڑوں کو روئے زمین پرجمایا تاکہ اس کو سکون ہو اور جو کچھ زمین سے نکالا ہے وہ تمہارے اور تمہارے چوپایوں کے فائدے کیلئے ہے۔( خازن،النّازعات،تحت الآیۃ:۲۸-۳۳، ۴ / ۳۵۱-۳۵۲، مدارک، النّازعات، تحت الآیۃ: ۲۸-۳۳، ص۱۳۱۹، جلالین، النّازعات، تحت الآیۃ: ۲۸-۳۳، ص۴۸۹، ملتقطاً)